नेपाल सरकार
कृषि तथा पशुपन्छी विकास मन्त्रालय

कृषि बिभाग

राष्ट्रिय आलु, तरकारी तथा मसला बाली विकास केन्द्र

किर्तीपुर, काठमाडौँ

अलैंची विकास केन्द्र, फिक्कल इलाम

परिचय

      मेची अञ्चलको इलाम जिल्ला फिक्कल गाउं विकास समितिको पान्दाम भन्ने स्थानमा आ.व.२०३२/०३३ सालमा अलैंची विकास आयोजनाको नाममा ३४५ रोपनी जग्गा खरिद भई अलैंची अनुसन्धान तथा विकास कार्यक्रमको थालनी भएको पाईन्छ । वि.सं. २०३९ सालमा तत्कालीन अलैंची विकास आयोजना नेपाल चिया विकास निगममा गाभिएको र वि.सं.२०४४ मा नेपाल सरकारको निर्णयले २०४५ साल भाद्र २९ देखि नेपाल चिया विकास निगमबाट अलग भई अलैंंची बाली विकास कार्यक्रम नामाकरण भएको थियो । कृषि विभागको परिवर्तित संरचना अन्तर्गत वि.सं.२०४७ मा बागवानी विभाग अन्तर्गत रही पुनः वि.सं.२०४९ मा कृषि विभागको एकिकरण पश्चात् कृषि विकास विभाग अन्तर्गत रही वि.सं.२०५० साल देखि अलैंची विकास केन्द्रको रूपमा अलैंची विकास सम्बन्धी कार्य गर्दै आएको छ र अलैंची बाली हेर्ने नेपाल अधिराज्यको यो एउटा मात्र केन्द्र हो ।

केन्द्रको भौगोलिक स्थिति

      यो केन्द्र पूर्वाञ्चल विकास क्षेत्र अन्तर्गत मेची अञ्चलको पूर्व उत्तर दिशामा अवस्थित इलाम जिल्ला फिक्कल गा.वि.स.वडा नं.४ पान्दाम भन्ने स्थानमा समुद्र सतह देखि १२०० देखि १६०० मिटरको उचाईमा अवस्थित छ । केन्द्र पश्चिम उत्तर मोहडा परेको छ । केन्द्रको कार्यालय र आवास क्षेत्र करिब ३ कि.मि. दूरीमा रहेका छन् । कार्यालय फिक्कल बजार देखि करिब ५ कि.मि.को दूरीमा बरबोटेबाट पश्चिम तर्फ गेरखे जाने कच्ची सडक भएर जानु पर्दछ । यो फिक्कल गाउ“ विकास समिति वडा नं. ४ मा पर्दछ भने आवास क्षेत्र फिक्कल बजार देखि पशुपतिनगर जाने सडकको छेउमा ३ कि.मि. को दूरीमा रहेको छ ।

हावापानी तथा माटो

      यस केन्द्रको हावापानी उपोष्ण किसिमको छ । यहां औसत अधिकतम तापक्रम २१.८०ऋ र न्युनतम तापक्रम १२.७ डि.से. तथा वर्षा २३०० मि.मि. देखि २४०० मि.मि. सम्म रहेको छ । यस केन्द्रको प्रायःजसो माटो बलौटे दोमट किसिमको छ । माटोको पि.एच. मान ५.५–६.५ भएको पाईएको छ ।

क्षेत्रफल र भू–उपयोग

                यस केन्द्रको जम्मा क्षेत्रफल १७.२५ हेक्टर (३४५ रोपनी) छ । भू–उपयोग यस प्रकार रहको छ ः–

                नर्सरी क्षेत्र                                  ३५ रोपनी

                उत्पादकीय बगान                         १ रोपनी

                उत्पादन उन्मुख बगान                    ४० रोपनी

                नयाँ बगान विस्तार                        १२ रोपनी

                अदुवा बीउ उत्पादन                      २ रोपनी

                बाटो, कूलो, कुलेसो                      २० रोपनी

                बांझो, पर्ति जग्गा                          ३७ रोपनी

                जङ्गल, भीर, बा“स                        १३१ रोपनी

                चिया तथा शितोष्ण फलफूल बगान    २७ रोपनी

                आवास भवन, कार्यालय भवन, भट्टी तथा गोरू गोठ     ४० रोपनी

                कूल जम्मा    ३४५ रोपनी

 

सम्पर्क

फोन नम्बर : ०२७-५४०१३२

इमेल : alaichibikash033@gmail.com

कार्यालय प्रमुख: पदम प्रसाद अधिकारी

मोबाइल नम्बर : ९८५२६८०९६७

सम्पर्क ब्यक्ति: लक्ष्मी प्रसाद शर्मा

मोबाइल नम्बर : ९८५२६८०५६१

 

कार्यसम्पादन सम्झौता

 

महत्वपूर्ण लिंक्सहरु


Contact US


Ministry of Agricultural Livestock Development

राष्ट्रिय आलु, तरकारी तथा मसला बाली विकास केन्द्र
किर्तीपुर, काठमाडौँ
फोन : ०१-५५२३७०१,०१-५५४०९९३
फ्याक्स : ९७७-१-०१५५४०९९३
इमेल : info@ncpvs.gov.np
vdd.gov.np@gmail.com

© National Center for Potato, Vegetable and Spice Crops Development
Audio Notice Board No : 1618-5523701
Toll Free Number : 1660-01-55551